Kisah Cinto Anak Subarang

Lah lamo dak bacarito lamak di blog ko. Kangen jo taragak bagai ati denai ko dek nya ! hehe. Lamo-lamo sakarek ula sekerat belut pula bahasa saya nih. Tapi dak baa do, bacalapuik bana lah bahasonyo nan jaleh ambo kini ka manulih carito. Ado saketek carito, jan banyak loh... saketek seh lah yo. Kalo banyak beko muak pulo. Iko carito urang nan sadang jatuah cinto. nnaaahhh... kalo carito cinto ka cinto yo agak bageser duduak ka muko stek yo ? mato tabulaliak, mandongak mancaliak ka monitor co ayam ka diadu.

Ee.. yo co itu namonyo manusia yo dak ? salero condong nan ka lamak, mato condong ka nan rancak, nan ka dibaco pasti condong ka nan ... apo hayo ? aa.. salah satu nyo per-cinto-an tadi. Soalnyo baa kabaa juo dibawo tabang kama seh ati tu ka tapawik juo jo nan ciek tu. Jan lai awak manusia biaso nan banyak doso, nabi seh marasoan jatuah cinto. Bahkan Rasulullah adolah urang nan paliang romantis dari jaman ka jaman.

Baiko saudara-saudari nan ambo cinto ( apo saudari sajo lah ? ) eits.. jan lah baitu yo dak ? Iko carito ambo dapek dari urang nan jauah di nagari subarang. Kini baliau marantau maubah nasib kok lai dapek untuang dijangkau, kok indak ... ? pabanyak basarah diri, yo ate namo barusaho.

Sanak wak ko adolah laki-laki parantauan. Baa bayangan dunsanak lah samo urang parantauan, penampilan ? sederhana, pitih ? kadang-kadang seh punya, tampang ? alhamdulillah lai bisa dibawo katangah. Tapi yang jadi ciri khas sabananyo ... samangek juang nan tinggi.

Baa dek ka indak ? Iduik di nagari urang panuah tantangan, modalnyo cuma 10 jari, utak nan saketek batanggok di kapalo samo do'a-do'a nan nyo lantunkan satiok salasai sujuik. Samangek juang nyo tadi lah bisa mambuek inyo tetap bisa iduik, tetap bisa "survive" ( baa nyo urang subarang ) dari sagalo tekanan ekonomi.

"Iduik co paku" itulah inyo punyo prinsip salamoko. Bialah badan tacampak kama sajo, asal bisa iduik, asa ado saketek tampek batangga. Kalo lah gadang, insya Allah paguno dek urang-urang untuak pambuek sayua. Itulah nan tapek gambaran dunsanak wak nan surang ko.

(basambuang ka babak duo)

# saba yo, santa lai magrib ...